أكتبك .. و أرجع أمسحّ ما كتبت بدمي=دايم تخـــون المطالع شاعــرك لابداك


إذا أقبل الصبح نتثاوب قصيد أعجمي=وإذا لفى الليل نتسلف ردا من رداك


لو للقصايد ثمن خبزه فكفّ آدمي=بذبح سمان القصايد لك.. عشاك وغداك 


ولو القصايد رصاص إفرغت لك محزمي=و صفيت لك من حروفي ناس لبّت نداك


و لو القصايد تحرك صمتنا / إعلمي=جاتك جحافل مشاعرنا.. تحارب فداك


لكنّ يا غزّه يليتك في دمي تحتمي=عسى تحسي وهج نيراننا من قداك


الله شاهد زرعت إسمك هنا فنسمي=و بللت صوتي بذكر الله هداي و هداك


أدعيه يبقيك نور الحق .. ما تضلمي=ما غيرة المستجيب لْصوتنا من صداك


ما عندنا غير صدق إحساسنا .. و إرحمي=شعّار قد خاننا كل البشر .. ماعداك


ما نملك إلا قصايدنا .. عسى ترتمي=إذا يشا ربّنا بأطهر ترابك .. فداك