يا معشر ٍ يسمو إذا تنسل ذي الأبدان ....=من جلجلة هـيجا ومن غمد السنا حطين 


مـروا النحيب اللي ولا تهفو له الأزمان.....=طـّس الفجر وينه وكيف الحال يا فلسطين ؟ 


قـْم للضيا و إلا تعّج عجاجها الأوطان .....=في ثرثرة عابر وهي تختال من: (ذا الحين)؟!!!! 

تجاه الهم كلما يـّلج هذا الصبر في صدري=وبي يبتل من قطرة .. تقاطر حبرها لا مج


أماني ليل ما تجتاح غير البين.. من بدري=صحا بك هم؟ إي والله أنا ما جيت بحة وهرج 


تصادح إصطباري فيك ,, لا ورقا ولا قمْري=ولا فيني تصادح شي غير الجرح لما ضج


صباحك رشفة التخمين بين أدري ولا أدري=صباحك والعتاق اللي لها ركام النوايا سرج 


يا غـّزة من على الأهزاج, والاهزاج ما تغري=كثر ما باح لك مكنون يرشف من عويل الفج


كثر ما سولف الزيتون وهو يطري وهو يطري=و يرمي الهاجس المركون لين الكون خلفه دج


كثر ما يطوي الكافور ظل المعمعة ,, يسري=صحيح إني ذكرته لين رّج الليل وفيني ارتج


يلوح الذرب ,, وإلا لا ؟ توّكل ,, بلـّغه عذري=يلج الصبر في صدري وعاتي الريح كان يلج 

كذا مرت على لساني ,, ولكن كلمة الأمجاد =تمرّرها الطعون أدري إذا ينطق بها لساني 


أنا إن قلت يا غزه ,, يصير الجرح أمة ضاد=يفيق الصبح في غزه  و يسهر خاير أجفاني  


طريتك ,, والحشود اللي تثرثر عن جنون أحقاد=ترى ما يشعل الجمرة , سوى من يلعن الجاني 


عضيدي .. لو تلامسها , أماني بالخفوق بعاد=يمينك ,, ترسم الظلما على جباه المسا الفاني 


ندهتك ,, ما ندهت إلا مسارك والمسار جهاد =تعال اندهني من نفسي.. شتاتك يشبه الثاني: 


عرفته ؟ كنت تسألني من اللي تلمحه يا سناد؟=تصّبحت بعيونه .. لين أشوفه شتات عنواني 


يا غزه لو تسهدتك , لقيت النور أرض سهاد =ترى وش يلحق اظلالك ,, يا غير امهاجر ٍ عاني 


ما هي بس السنين اللي شهق فيها الثرى بالكاد=أّهــّز الصوت ,, لا منه تـــّنفس باقي أحزاني