ثارن لأجلك سيل حبرٍ وقرطاس=تكتب حروفك من زهورٍ ومرمر 


تدعي لك الله بكل قوة واحساس=لا جا الخليجي صاح وعده وزمر 


لاتشغله بالك ولاعاد تحتاس=هذا العماني جا يتحدى وشمّر 


منصور بإذن الله وبتحقق الكاس=مرفوع راسك يابطلنا يا أحمر 


قوي العزيمه والإرادة مع الباس=تلقى الحصيلة / والبلاد اتّعمر 


في ظل قائد ماله شبه في هالناس=زارع بلاده بالفخر ثم أثمر 


نفديه بالأرواح والدم والأنفاس=من دون لا إفٍ وليّا تذمر 


وهذا العماني جا يتقلد بألماس=دمّر أمامه عاذلينه تدمّر 


مرفوع راسك يابطلنا يانبراس=والكاس أحمر ثم أحمر وأحمر 

ما همنا الفضة ولا كأس الذهب=يكفي انا نمتلك هالمنتخب


يا عساكم رافعين الرأس دوم=فوق عالي فوق هامات السحب


ما معي لافعالكم اية وصوف=انتو اكبر صرتوا وسام ع صدور العرب


وخايف ما كون في وصفي نصوف=برشلون وهم برازيلي اللقب


ولقبوكم هم بيونان العرب=وحن بفخر ما نقول الا عماني


الاصل يبقى الاصل مهما انكتب=وابتدى بنجم يروق الكم ولي


كالاسد هو في عرينه بان لي=بالله عليكم ما عرفتوا هالاسد


الحكي مقصود به الحبسي علي=والزعيم اللي حكا عنه الجميع


مو خطأ سموه بالسد المنيع=تطمأن اليا تشوف في الدفاع


منهو غيرك عاد يمحمد ربيع=وخذ كلامي اللي بقوله بالوكاد


ماحد ماقد هتف باسمك وشاد=وميزتك الشجلبه بعد الهدف


وصار كل ينتظرها يا عماد=وانت في الملعب وجودك همني


يوم أشوفك قلت نفسي اتطمني=البدر لو غاب في عالي سماه


البدر في الملعب اسمه الميمني=ولا بورجل الذهب ماله مثايل


يعني في العالم من أمثاله قلايل=وانشدك بالله جاوبني بصراحة


كارلوس وشهو طلع يمك يعايل=ومنتخبنا اللي قبل فيه استهانو


حن عرفنا ليش افراده يعانو=الدينمو ما كان في الملعب معاهم


واصبح معانا دينمو يسموه ‏كانو ‏=وذاك به نخوه جنود محاربين


يلعب الشوطين وعزمه ما يلين=يرصد الكوره وعينه ما تخون


مو خطأ سمّوك يا فوزي الدوربين=ونجم اسمه ع الصحف مرّه تصدر


خلا خصمه يعض ع يدينه ايتحسر =غلطة الشاطر ومسرع ما فداها


صفقوا يالله وحيوا هالمظفر=وقلبنا لو كان حد سمّا العنيد


عندنا نجم نبرهن به أكيد =ما نسمي غير اسم ع مسمى


وما عرفنا شيء اعند مالحديد=ومن طول الغيبات يابلنا الغنايم


وينك انته وين يا راعي العزايم=كنا في حاجة لذاك الهدف والله


وجيت ع الطاير وحطيته يا هاشم=ونجم له مني تحيات وتهاني


ما نسينا وقفته ذاك العماني=في منصات التتوج بافتخار


واعتقد كل شهد فنك يا هاني=والشون والعجمي بحييهم ع ذوقي


ما عليهم شيء من هذا يفوقي=وانته يا يعقوب والوهيبي معاهم


وما نسيتك انت لا والله يا طوقي=واحتياط في الملاعب ما شهدته


السموحة ان كان اسمه ما ذكرته=بس اندري كل مكمل بعض


لي وصفته مثل يلي ما وصفته=وبوجودك منتخبنا قد تعلا


استمر يا كوتش واياك اتخلى=لا حشا لا ما نبي غيرك مدرب