في مستهله يا سلام الله استهله يا معين= لله در الحرف ,, و أرهف جانبه در الكيان


يُروى بأن المجد سلطان المفاخر من سنين= وان القلم خيل العقول المسرجة صوب البيان


في عهد قابوس الأبي الشهم قايدنا الفطين= يا منبت المجد الذي أورق من العليا عُمان


يا غرة الإصباح في جبين القروم الطامحين= من مطلع اشموس العلا للعز في هذا الزمان


من لؤلؤ الحكمة نجومك .. يا مناط الفرقدين= يا رحبة المثوى عقب ريح النعايم من ثمان


كواكب ٍ لا صار لك فيما تقوله مستبين= أما الكواكب في مواكبها لمع برق الثوان


قل للصحايف : أعجز اللي أوجزه قول ٍ ثمين= ان أوجز القول أعجزه.. منظومة ٍ كالعنفوان


قل للصحايف: أشعل سراج المعاني واليقين= هات الطروس اللي بها تستنطق الفيحا مكان


عُمان لا من يشهد الناهج سنا النهج المتين =حتى ارتجز به لا خفق قلب السحابة يا مجان


عرينها ,, ما هو عرين إلا لمن دّج العرين= إلا لمن قالوا ترى من يدلجه أطلق عنان


مفاخر اللي قالها : ماهم ترى كالمدلجين=الضيغم الصنديد في هذا العرين ولا يُهان.

الفوز فالك يا بطل دايم الدوم= شموخ نبض ولعب والكأس كاسك


جامع في لعبك كل فذٍ وحيزوم= أحمر نعم أحمر ودمك لباسك


فخر الوطن في النصر ما تقبل السوم =وما تنثني في الملعب عزوم باسك


يا منتخبنا ممتلي لعبك عزوم =لين انتشوا فالفوز بالفخر ناسك


الفوز لك يا منتخبنا صار محسوم =رفعت رووس ورافع الله رأسك


صار الفرح في بسمة الشعب مرسوم= وتشكلت فيهم ملامح حماسك


شرفتنا شرفتنا يا البطل دوم=النبض واحد دايم الكأس كأسك.

حلم(ن) تحقق وأشرقت شمس الإنجاز=والمجــــــــد سطّـــر للتواريخ سيره


سيرة بطل مــــا أخلف بوعـــده وفاز=سيرة وطن فــــــي قلب شبه الجزيره


المسأله ما هــــي أساطيــــــر وألغاز=المسأله يـــــا ناس حــــــــاجه كبيره


حلم(ن) بدا مــــن أول الدرب إعجاز=شعب(ن) قهر كـل الظروف المريره


قايد عــــرف كيــــف العراقيل تُجتاز=صرنـــــا بعـــــــون الله دوله جديره


أكبر دليلـــي لـــــو تفاخرت ، إحراز=هـ المنتخب للكـــــاس ، والمستديره


تشهد ، إذا كـــــل التواريـــــخ تنحاز=للغير أن المنتخــــــب فـــــاق غيره


باللعــــــب والإبـــــداع ، والله ممتاز=ترجم نجاح بجد أعظـــــــــم مسيره


المجد لك يـ عماننا صـــــار بــــرواز=يا قبلة التاريخ ، يــــــــــــا خير ديره


حلم(ن) تحقق وأشرقت شمس الإنجاز=والمجد سطّـــــــر للتواريـــــخ سيره