جديد الصور
جديد الجوال
جديد الفيديو
تغذيات RSS
|
01-20-2009 05:28 PM
موقع الشعر العماني يهنئ حضرة صاحب الجلالة والشعب العماني بمناسبة فوز المنتخب العماني بكأس خليجي 19 واليكم هذه القصائد للمنتخب من جريدة (الوطن) :
شامخٍ وجهك بلادي
هالبلاد اللي ربى أبطالها بذرٍ وصلــــــــى
في أراضيها ، نبت من كل زرعٍ مْاه خيــر
وهالزمن علّمنا إن ما ضاق هالحظ وتولّـى
نسكنّه بالصبر والعزم القوي وبإحساس غير
جالت الدنيا بهم واستبسلوا لا من تجلّى ..
هالشموخ بقمة وعز الثبات مْن المسيـــر
كانوا رجالا إذا ما دكوا الصخر يتدلـــــــى
يفرشوا هالأرض وردا ساميا من دون ضير
صارت الدنيا تفرّق بينهم والنجم أعلـــى
صاروا أعلى من شموخٍ لو ملى الدنيا ينيــر
صاروا الفجر الذي من شق نوره ثم تعلّــى
ما يوازيه إلا انتوا .. وانتوا أكبر من كثيـر
أبشري يا أرض ، يا سلطان بأولادك وأغلى ..
من ملايين الكفوف مْن الدعاء مْن الضمير
وأبشري يا أرض ، أبطالك من الإقدام أبلى ..
صُنعهم ، بالعزم .. للقمة لْكلما نستخيــر
شامخٍ وجهك بلادي ، وْكل شبرٍ فيك أحلى
وكل عامٍ لأجل أبطالك بخير وألف خيــر
فيصل بن سعيد العلوي
ــــــــــــــــــــ
القمة
وصفـر كأن الحلـم راحل .. مدري الهــم متمادي
تجي بلادي .. تذكرني بعزمي وصوتٍ ينادي
قليلة القمة فحقـك غـــلاك اكبـــر من القمة
رفعت جباهنا عـز وجباهٍ تنحني لك عز
كــذا السلطان ربّــانا نلبّس للمجد عمّه
نغوص لكل طموح بحور لو يطغى عليها الغرز
نحبك وش يجي حب الرضيع لدفء حضن امه؟!
نحبك كثر ما غطى الخفوق وجيت له ثم فزّ
يا أحمر يا أبيض فـ أخضر يا خنجر يا شذى همة
يا باقة كل الاسماء العظيمه الشامخة يا الرمز
رجال رجال من خط العرين لـركله البسمة
رجالٍ رزّة رماح الهزيمة فكل خصمٍ رزّ
كبرنا كبر الانجاز وعزفنا للمجد رتمه
فرزنا كلاوراق البطوله ويا حلاة الفرز
عمان .... وما بعـد كلمـة عمـــان بفمّهم كلمه
من أول ما غدى لكأس الخليج وحاملينه لغز
وش اكبر من شرف للمستديرة بس بالذمة
سوى هالمنتخب او هالشبك منهو يهزه هزّ
عظيمة حيل هالفرحه تبعثر شعب وتلمه
تجي لعشاقك البلسم ولحسادك تجيهم وخـز
قليلة القمة فحقك غـــلاك اكبر من القمة
رفعت جباهنا عز وجباهٍ تنحني لك عز
فهد السعدي
ــــــــــــــــــــ
رقم واحد
هذا العماني والبطولة دمه
الراس عالي دام هالمجد عالي
اللي عشق هذا التراب و ضمّه
يكون الأول ما يكون التالي
اسأل ميادين البشر ملتمّه
من وين هالمتواضع المتعالي
بتجاوبك هذا الذي بالقمه
هذا العماني .. الأحمر أغلى غالي
هذا شعاره دمنّا .. ما همّه
هو البطل لاذكروا الابطالي
هذا رقم واحد.. جرى في دمّه
هذا العنيد وبه يطيب الفالي
همّه على همّه وزيدوا همّه
الراس عالي دام فنه عالي
اللي عشق هذا التراب و ضمّه
يكون الأول ما يكون التالي
خميس المقيمي
ــــــــــــــــــــ
همال مزنك ذهب
مرفوع راسك يالأحمر وأنت دايم فوق
تفداك هذي القلوب وكل مافيها
عالي بسما النصر ربي يحفظك ياذوق
همال مزنك ذهب في أرض توطيها
أهدافك أسمى لقب في خارطة الحقوق
وجمهورك أوفى شعب ياروح مغليها
روح يالأحمر وحنا لك وطن مسبوق
ألعب على كيف كيفك يا معليها
العماني اسمك تعلى في سمانا بروق
شامخ ولا به همم الا وتتليها
لعمان أنت الفخر وحن لابسينك طوق
ويكفي بأنك عماني وبك نهنيها!
أصيلة السهيلي
ــــــــــــــــــــ
لبيت يا كاس الخليج
حرر يدين الشعر وافرد جناحه
واكتب بحبر الغيم وبشكل ثاني
إني لمد الحبل واطلق سراحه
وابفتخر وأقول: إني عماني
ولو وقفتي تزخم بقلبي جراحه
لا اجرها لو داهمتني المعاني
يكفي فخر إني تسيدت ساحه
مرفوع راسي وفي يديني حصاني
لي منتخب / مايعرف الاستراحه
قادر على تحقيق كل الأماني
عفوا يابن عمي تراها إباحه
وأنا انتصرت بخبرتي وبكياني
واللي يبا تدوين ثمرة نجاحه
لا بد ما يعاني مثل ما أعاني
عانيت لين الفال أبدى اجتياحه
وأصبح حليفي/ وظلي/ وعنفواني
لبيت يا كاس الخليج بصراحه
كل النداءات العظيمة عشاني
وانصفتني وعظمتني وبسماحه
ورفعت راسي بعزتي وامتناني
وأقولها والكل فارد جناحه
أنا عماني وافخر إني عماني
عبدالحميد الدوحاني
ــــــــــــــــــــ
انت للفن سيده
الدم أحمر والمشاعر سعيدة
ونجومنا الأبطال للكاس ناوين
وشلون أبكتب في لعبهم قصيدة
كل القصايد تنكتب دون تدوين
يامنتخبنا انت للفن سيده
وانت الذي تخشاك كل الميادين
اسمك تعلى فوق قمة فريدة
واسمك إذا نطريه للصخر بيلين
يا منتخبنا منجزاتك عديدة
جات لعيونك كل هذي الملايين
الشعب يهتف وانت تجري بوريده
تسكن حنايا القلب والروح والعين
عاش البطل وإشارة الفوز بيده
ونجومنا الأبطال بالكاس جايين
إبراهيم الرواحي
خدمات المحتوى
|
تقييم
|
|
الرئيسية
الصور
المقالات
الملفات
الجوال
الأخبار
الفيديو
الصوتيات
قصائد بمناسبة فوز المنتخب العماني بكأس خليجي 19
0 | 
0 | 
5719