هنا في أرضي :  أصحابي ، هَلَي ، احبابي ، الحارة=وهنا في قلبي انتي غير انتي كل ما أكبر


أشوف اسمك قصيدة ما يتممها من أشعاره ..=بَنَوك ، ولا يتمّمك السحر ، لأْنك كذا .. أسحر


لأنك تسكني بين الضلوع وبين اسراره=زرعك العز عز وهالشهامة فيك ما تصغر


يا ارضي ما نبت بين الحنايا وكل أغواره=سوى شُم السواعد كل يومٍ تكبر وتكثر..


يا والدنا اللي علمنا الحياة بعزة أفكاره=مْن أصغر طفل لين أكبر عجوز يبات له يشكر


يا والدنا زرعنا الأرض عشق وزهرت ثْماره=ونحنْ أولادك اللي لو قلت يا هيه ، ما نأخر


نجيك بكلّنا نفدي شموخٍ فاق مقداره ..=صفاتك ، بس حنّا منك / لك .. وبْـكل ما نقدر


لأنك روح أرضٍ ما كساها غيرك بْشاره=وهي هذي ( عمان ) اللي تحبك تكتبك / تشعر


وعمان بكل ما ينبت عُمُر تتفتح ازهاره ..=من إحساس الشموخ وعزة الإنسان والمخَبَر


نجي وأرواحنا برقٍ لحظ ، ما شتت أمطاره=نجي كْلنا سواعد تكسي أرضك لين ما تزهر


نكون حْماتك وأرض الشموخ وعزك / إكباره ..=يشكّل داخل الإنسان هيبة طلّتك .. يفخر


وكذا حنّا نجد العهد ، نسمو منه في داره=وتظل أرواحنا تسمو بك، بْكل ما نجي نكبر

قبلي اليم واسترخي بظل اللبان =بك تزين اتجاهات المدى الأربعه 


كان صيتك له التاريخ دون بيان =وصار صيتك بهذا العهد ما أروعه 


عهد قابوس عهدٍ حل في الأمان =فيه أعطاك صون نرتقي به معه 


انفتاح على مرأى يشق العنان =انبساط زهت أشكاله المبدعه 


هذا إنتي على صهوة زمانك حصان=ساسه اللي جعل لك كل أرض سعه 


يا ضياء الفجر إشراقك بها العصر بان=والسعد لاح نوره في سناء الأشرعه 


من مثيلك وعطفك فاض منه الحنان =من مثيلك وشعبك دايم اتشجعه 


للعمل للتلاحم ل اجتياز المحان =هذا شعبك رسمت ب فطنتك موقعه 


سيدي هذي أمجادك وعزك مصان=عنها نرد دوم بضربة موجعه 


سيدي حن طوع الأمر في كل مكان =نرمي النفس عنوه ونحضن المعمعه 


دامك انته رسمت لنا الدرب ل الزمان =خير فضلك غمرنا والبلد أجمعه 


عانقي السعد يا أرض الغبيراء امتنان =بك تزين اتجاهات المدى الأربعه 

نعم أرضــي.. قلوبٍ هايـمـة وأحـبـاب=نـعـم أرضـي تباشـيـر الربـيع الغـَـضّ


أبـحلب لك مـن صدور الغرام سـحـاب=وأصَيـّر كل أسفلت الشـوارع نـبـض


وش تكون الخرايط..؟! وش هي الأنساب؟!=يسافر بـي غـلاك وما تـحـدّه أرض


يسـافر بي شموسٍ ضـيـّهـا مـا غـاب=تضوّي لـه الحنايا بطولها والـعــرض


ذهــب..؟ كـل الـذهب يرجحه كفّ تــراب=مـن أرضي.. مـا بقى منّه يا غير الومْض!!


أمرّك نسمة تداعـب وجن وأهــداب=وكلام الحـب لك في شـفّـتـي مكـتظ


أمـرّك عـاشـقٍ م الـبـاب لـلمحراب=عـشـق كلـك.. تفاصيلك.. وبعض البعـض


يـجـي شلال عـشـقـك بـاردٍ مـنـسـاب=يـسـافـر فـي عـروقـي قـافلة من وعظ


وأنـا الـناسـك وقفت بـمعبدك مـرتـاب=أصـلي عـشقـك أنفال بأذان الـفـرض


تـمر بـيـوت أرضـي كـل بـاب وبــاب=تـقـبـّل كـفّ وأقـدام وجـبـيـن الـحـظّ


لأنـّه جـاد وأمـطــر مـن غــلاك أسباب=أبـومي بـالغـلا لـك لـو عـيـيت اللـفــظ


وأبلثـم هـا الـثـرى..تـوتٍ عـشـق عُـنـّاب=أحبـك مـن هـنا لآخــر حـدود الـنـبـض


تـبـسـم يـا وطـن كـلـنـا لـثراك أحـباب=نـمـوت.. يـعـيـش سلطانك.. وتحيا الأرض

مركب قرأ الريح لين إتمايل البندر=وثق خطاوي لجل تغريبة أسفاره


مركب شراعه بياض وسارية تسحر=صدره مدينة كفوفه غيث أمطاره 


مركب قطع عرق في أمواج تتكسر=مجنون ليلى رسم ع  السور تذكاره


لعيون زرقاء اليمامة أبحر وأبحر=سيّر عليها نهار وليل احباره


جاب الغنايم وجاب الدر والعنبر=وأضحت عيون وقلوب جْناح طياره 


كل ٍ كتب وجهته لما حمى الدفتر=كل ٍ مسك في يدينه عود قيثاره


كل من فرد  له رصيف وصاغ له متجر=باع الهوى / باع ورده / باع سناره 


ساق الشمس للعتامه - للبرد وأكثر=وأخضوضرت في يمينه ألف كفاره


مركب غدى سيرة المنصاع والمسفر=ربانه اللي تحكم في رتم طاره 


صارت كتوفه درس للي نوى يعبر=في بيت منظومة الأرقام أخباره


مركب قرأ الريح لين اتمايل العنبر=سيس خطاوي لجل ترنيمة أسفاره

عيدنا ياسيدي بك ألف عيدٍ من جديد=عيدنا يا سيدي قابوس ذخرا" كل  عام


زفت الأزهار شمعه تشتعل في كل عيد=وهذه يدينا رفعناها ودعينا لك    سلام


بك سلام ومجد / تاريخ وحفظنا لك أكيد=كل شبرٍ من يديك الخير يبنيلك مقام


من مقامك شيدت فينا حضاراتك  بريد=نلتمس كل الصفات ولك عجز فيك الكلام


الوطن غالي علينا نفتخر به  للوريد=الوطن مليون حب وحبنا لا ما  يضام


أدري أشلون الوطن يمتد يا أرض المجيد=وأدري أشلون الوطن له داخلي نفحة وأام


ما كتبت إلا وفيني للوطن طبع الشهيد=وماكتبت إلا وأنا حبي بيهديني وسام


للوطن ياسيدي عمري هديته له  وليد=وأينعت كل الزهور وأيقضت حلم.ن ينام


زفت الأشواق منا ألف عيد وألف عيد=وعيدنا ياسيدي قابوس مجدا" كل عام