جيت لك وردٍ أخذ من مجدك السامي عطر =جيت لك حــامل وفاء في داخلي وأنتي الكـيـــان 


جيت أهدي لك زهور العاطفة قول وشعـــــــر =يا عســــى تبقي لنا دارٍ كريمه يا عمـــــــــــــان


سيدي قابوس ذخري لبسك ثوب الفـــــــــخر =يا عسى عمره ســديد وبه تعيشي فـي أمـــان


القدر حتم علينا نـــــــــــــــــــعشقك هذا قدر =بس لجلك ما نهاب الموت لو ذا الموت حــــان  


الصبر نفدي ترابك لو يفارقنا العمــــــــــــــــر =والأمل نحيا معــــــك باقي عمــــرنا لو ثوان


كل أحلامي أسطرها على أرضــــــك سطـــــر =وأن بلغت المجد بسمك هان ذاك الصبر هــان


يا عيوني يا أميره أن خذيتيني  قـــــــــــــصر =ما طلبت إلا تنامي  وسط قلبي  يا عمـــــــــان  

من يشبهك يـا سيدة هـ الغيم وأحلام المطر=من يشبهك من يشبهك.. دارت رحى هالأسئلة ؟!


هـم شبهوك بْشمس ثمْ عادوا وقالوا لا : قمـر  =وآنا قطعت أقوالهم وبديت حل المسألة .......


قلـت السما والأرض أنتي: يابـسة سهل وْبحر=وأنتي التضاريس المجيدة في صروح الأمثلة 


وأنتي البساتين النـضيرة مـن أحاسيس الزهر =وأنتي الحـكايات البـعيدة فـي مشاوير الوله 


وأنتي الصباح المنتشي من سالفة أحـلى عطر =وأنتي الـربيع اللي تـعلق في غصون الأخيلة  


لولاك ما يضوي المسا ما ينتصف هذا الشهر=ما أثمر القمح وْتفاخر فـ الأرض لو سنبلة 


شفـتي الخلايق وش بلاها : كلّ ما طيفك يمر =تجتنّ لـي حد الصراخ وْ تندهك : يا مذهـلة 


يا ناشـلة شعـرك إلى آخـر مسـافات الظهر =يـ مْـنعّسة خضر العيون وْ بـالمـجد متكحلة 


يللي إذا شفتك أصح مْن العنا وْ ضيق الصدر =انسى همومي وْلو علي مثل الحجر مسترسلة


يـا كاتـبة فوق السحب آخر عناوين الطهر =يا راسخة وسط القلب ما بين سورة وْبسملة


 (لطـفاً بنا إن كان في خديك نخلاً أو شجر  =هـزّي إلـيّ الجذع أجني قبلةٍ مستبسلة) 


مـن يشبهك حارت عقول العالمين مْن البشر =حتى أنـا لليـوم عـاجز مـا حللت المسألة 


من يشبهك يـ(عمان) .. يا رأس المعزة والفخر= قـابوس أهـداك الكـرامة ما خضعتي إلا إله 


مـن يحسدك يا شامخة ما يسكن إلا فـ الحـفر =واللي عـرف قدرك وصانه نكرمه في منزله


من يشبهك يـ(عمان) .. يا رأس المعزة والفخر= قـابوس أهـداك الكـرامة ما خضعتي إلا إله 

 تقطف  النرجس وتغرس عود ياس =تحرث الساحات  وتحاور نخل 


من طلوع الفجر  والهمه  اساس = بالعزم  تخطو  وتتوسد جبل


 متنها ما كل في  أرضٍ يباس =لين ما أثمر  من الجهد العمل 


شيدت سورٍ لها  صعب  المساس =حارسه  من له تعدى ما بخل 


من سأل عن أهلها  هم خير  ناس =يرتووا بالصبر  شدات المحل 


بنت قوم  بأسهمٍ صعب المراس =عزمهم  عزم الضراغيم  الأول 


ناولتني  من شراب النبع كاس  =سلسبيلا لين  خفاقي  ثمل 


قالت..العدة بـ كثرة  ما تقاس =كثرة الأعداد تتماوج كسل 


أرضنا جوهر   وياقوتٍ وماس =دامها الله جوهره فـ ظل البطل


الشهم  قابوس  لي سيّس وساس =دولةٍ ترنو بناظرها   زحل 


هي عُـــمان الغالية روح الحماس =تغرس الهمات وتحاور نخل 

سكنت قلوب يا سيّدْ عُمان ورايتك بيضا=جعلك الله ذخر لموطني وارواحنا فدوة


على نهجك يا قابوس الزعيم أقدامنا تمشي=بك نفاخر شعوب الأرض.. نتباهى بكل خطوة


مثل أول، ونبقى للأبد جندك.. تحت أمرك=عشان عمان يالقايد معك نغزي ألف غزوة


تجي أجمل قصيدة سيدي وتوقف على بابك=وترمي نفسها بحضنك بداعي الحب والنشوة


من يسد بمكانك والمشاعر سافرت صوبك=رفعنا الراس بافعالك.. سندنا إنت والعزوة


ثلاثين وثمان وهالمسيرة بحكمتك تمضي=نعيش نعيش ونفاخر بعهد النور والصحوة


وعلى يدينك تعلمنا الولاء، والسمع، والطاعة=كبير وما كبر غيرك بقلب الشعب يالقدوة

نعم يا سيّد العز العظيم و سيد الأمجاد=نعم يا قايدٍ تفخر بك عمان و ضواحيها


 تجي أرواحنا تفداك عشقٍ ما يجيه اخماد=لأرض يفتخر هالفخر فيها لكفّ واليها


 نعم قابوس يا شهم الرجال و فلذة الأكباد=إذا قلت أحصي أفعالك تراني ما أقدر أحصيها


 تجي يا سيدي أحلى فصول الغيم بالميعاد=و تنبت أرضنا كل الهنا و أحلى طواريها


 ترى هالمجد ما طاول شموخك لا و لا به عاد=على أدنى صغيرة من شموخك ما يساويها


 سيوف الحق بيدينك مدامك للظلم جلاد=و مدام الحق في دافي شموسك ينولد فيها


 من يدينك تعلم هالبياض يعمنا وراد=و شربنا العزّ من كفك هناك و ذاع طاريها


 هنا يا سيدي دربك خضر لجلك يجي منقاد=تسيدت المحاني و أنطوت لجلك عواليها


 تعلمنا لجل هذا التراب أجسادنا تنباد=و تعلمنا كرامة ذا الوطن هالدمّ نعطيها


 و تعلمنا وجودك سيدي هو منبع الأعياد=و تعلمنا إذا اشتدت عزومك من يطفيها


 مساء الخير في أرضٍ تنامى لجلها الأمجاد=إذا قابوس قايدها و رايدها و راعيها

من عمان المجد مجدٍ كل شيٍ يستويله=من عمان العز عزٍ فوق هامات الجبالي


جيت وحروفي جواهر أو كما سيوفٍ سليله=جيت ساره بنت قومٍ من صناديد الرجالي


قادهم قابوس شهمٍ ما على الدنيا مثيله=صارت عمان ابيدينه درة اليم الخيالي


مجدها نجمٍ تسامى ومن سوى العليا خليلة=مجدها شمس الحضارة ما تيمم للزوالي


جيت وعيوني قوافي.. جيت لك مهرة أصيلة=جيت أتغنى بخصالك يا رفيع الحسن غالي


سيدي قابوس حنا فخر أجيالٍ نبيله=سيدي قابوس نورك فاق عن كل احتمالي


لو كتبنا من قصايد ما نوفي لك.. قليله=كل أبوها هالقصايد جات لعيونك جزالي


كل حرفٍ من حروفي جاه يركع ينحني له=لأن راسه فوق غيمٍ ما تغيرْه الليالي


الوطن لو جيت بحكي عن مساحاتٍ جميله=عن تراب أجداد أرضٍ ما يخلي لي مجالي


ساكنٍ في وسط روحي ينتمي لي وانتمي له=عايشٍ في وسط دمي شاربٍ حلو الزلالي


عاشت عمان الأصاله غيرها ما ارضى بديله=عاشت بظل الكرامة والتآخي والمعالي


لو حكينا لو نشدنا لو كتبنا من جزيله=ما نوفي لك عطايا هذا دمي لك حلالي

أجي ونور لو يسبق سما من نور الاحلام=لاجل شهمٍ عزيز الراي صوت العز يحميها


أجي من منبع الحكمة لـ يصدي صوتها الايام=أجي فخرٍ بدا يحكي شباب العمر يحكيها


أجي شعبٍ عزيم السيف صوت يشق هالاغمام=يفدي كل من حوله بوعدٍ عز بانيها


ويدعي ربه المولى عسى ما تنتهي الاحلام=عساه يدوم قائدنا بصوته كيف يعليها


وقائدنا كذا طبعه طموحة تعدها الاقدام=تواضع عزه وعبره يكيف أقدر أخليها


حصونٍ صامدة تبقى رياحٍ تكتسي الاعوام=قلاعٍ كلما تنشد تبين خصب أراضيها


شربنا صدق من وادٍ ضما ما بعدها الابهام=عطانا كيف ما نشرب وفا ما زال يعطيها