يا فقـيره بي شرايينٍ كثيـره =كلهّـا تنزف ولا فادت معـي 


ومثل ارضك داخلي ارض كبيره =مستديره تحـدّها عوج اْضلعي 


ووجه شاحب به مساماتٍ صغيره =لو لمسته يحرق عروق اصبعي 


إسألي ليل الشتاء وش للظهيره =حرّها تسقيه من نهر ادمعـي 


كان لي شمس بمداراتي جديره =صادفت ظل وطفت في مطلعـي


لو يصحّيهـا عمى نور البصيره =تقتل الصحو وتنام بلا وعــي 


في عيوني ضفة احلامي جزيره =لا التعب شاطي ولا امواجي معي 


والبياض اللي تلحّفنـي بسريره =لفنـّي بأكفـانه وطـاف السعي 


ساحلي والريش والخطوه الاخيره =سـافرو سرب وغفيت بَمضْجَعي 


وجات ترميني وانا ذاتي كسيره =قـلت ذنبك في ذنوبك ترجعـي 


يالصغـيره يالكبيره ياالامـيره =هاك نبضي مات قبلي الاصمعي 


شاعرك لو مات ماله اي سيره =ضاع شعره في حناجر مسمعي 


بلّغـي بنت المسافات القصيره =بإيدك الطعنه والاقـي مصرعي