أرخيت انا شالي مَعَ هبّت النود=وتناثرت سود الجدايل طريحه


باحس في حرّيتي وانت موجود =وآفيض لك ما ترتكبْه القريحه


خل الهوى عذري بلا شي منقود=دام الهوى للبنت عيب وْ فضيحه!!


محسوده بْحبك وفْالحب محسود =وشهادتي في وصف حبّك جريحه


مابيني وْ بينك مسافات وحْدود =مكانتك وسط الحشا مستريحه


قلبي معاليقه علي حبّك شْهود =وعيني مدامعها لشوفك صريحه


تمرّني حلم وْ تناهيد وسْهود =وآمربك بنت الخصال الصحيحه


اتذكّرك وآقول ماهوب مفقود =وآعيش بِكْ ضحكه وهرجه وصيحه..!!