يا (محمد الهاشمي) لو كان في ودي    = ودي احقق معاكم بعض الاحلامي


نعم انا شاعرة ما اقول من قدي   =   بس اني ادري حضوري نادر وسامي


سجل غيابي حضور ويوصلك ردي   = بحساس فالشعر لا يهدا ولا ينامي


ان كان حس الناسئي مارفع قدي=      انا عليه اتحاما و اوقف الزامي


اطوح الصوت واقول (المها) ردي =   يا مبدعه ما انتجاهل بعض الاقلامي

ربا حبها فيني وانا توني مولود    =      مثل حب زايد يوم روحي ربا فيها 


كبرنا سوا في ضل ابونا العظيم العود  =   بلاده تفاخر به وهو يفتخر فيها

حبيتك الحب لي تزها به سنيني   =    وصخرت كل الضروف لرغبة اشفوفك 


امنـــتــك الله لا تبــعد وتشــقيــني  =   ما عــــاد لــي في ليــالي بعدك وخوفك

البدايه لعبنها بداية صغار          =        ابريا ما بجيب الغد ما نعرفه 


شيطنه ضحك نمضي وقتنا بختصار=     ان زعلنا رضينا والنفوس موالفه 

ليتها عبره بصدري وتجليها الدموع =  صورتك وانته تمشيني على الدرب الطويل 


لا تمنيني على الويكند واخر اسبوع =  فكني يلعن ابوها مسافه على يوم الرحيل 

ياصباح النور مـن بعـد العتيمـه= ياصباح النرجسي من بيـن ثمـره 


وياصباح الخير والـورد ونسيمـه= وياصباح العود الازرق فوق جمـره 


وياصباح العـز جعـل الله  يديمـه= من بعد جيل ٍ خذينـا فيـه سمـره 


اعظم الاحساس لنـاس  العظيمـه= وللعقـل زمـره وللخفـاق زمـره 


والوصل ياصاحبي مثـل  الغنيمـه= ليه تنسا واحـد ٍ معطيـك  عمـره 


الغلا مثل النـدى والشـوق ديمـه= وانت بن العاشق وهيلـه  وتمـره 


والوله ماهـو بنصـر ولا هزيمـه= مانت قادر تهدمـه حتـى  تعمـره 


الوصل من بيننـا ماهـو  جريمـه= والوصل بأمر الولي والهجر بأمـره 


والخجل في خدودك البيض الحشيمه= كاسي لون البياض اشـوي حمـره 


تدمع عيوني من الذكرى  الجديمـه= والحزن ينساب في القلب  ويغمـره 


شوف قلبي نار فرقـاك  بصميمـه= جمر فحم وجمر رمث وجمر  سمره 


دايـم ٍ (قمـرة) نواياهـا  سليمـه= ليه قلبك مايسوي مثـل ( قمـره)؟ 

يا صباح الورد يا لفحـة نسيمـه =يا صباح الحب يـا لـذات ثمـره 


يا صباح استبشره هتـان  ديمـه= مثل ما للشوق له بالجوف همـره 


السوالف بيـض والنيـه سليمـه= بس جرحي مايقـدر كـم عمـره 


لا تغرك ضحكتـي هـذي مديمـه= عكس ما تخفي حنايا جوف  قمره 


سيدي ( حمدان) و النفس السقيمه= مالها سلوه مـع نايـه  وزمـره 


ادري ان موتي علي يْدينه  غنيمه =كل ما حسيت في نشوةْ  وغمـره 


وادري ان الحظ والصدفةْ عظيمـه =كثر ما حبيـت جناتـه  وجمـره 


وكثر ما علم على القلب  وصميمه =يا عساني فدوة سنينـه  وعمـره 


كثر ما مثّل علـي دور الجريمـه =حطني مضرب مثال وجيت  بامْره 


آه وش عند الجروح المستهميـه =يوم عيّا بالـدّوا واحتـال  دمـره 


يا سوالف يـا حكايـاتٍ  قديمـه= كل ما تطري لها سجـةْ وسمـره 


قلبها يـا جنـة الحـب ونعيمـه= يا مفاهيم الغلا في قلـب (قمـره)