بدينا المحكمة ونادي يا حاجب على المتهوم=وخلــي التاهــــم يقــــرب يحضّـــر كل بياناته


خلنــا نحكـــم بإنصاف من ظالم ومــن مظلوم=ونادي الشاهـــد يجيـنا نبــــي نسمـــع إفاداته


خلـــي المتهم يدخـــل بقفص المحكمة المعلـوم=وفــــك القـيد مــن إيـــده وحــررها يديـــاتـــه


حاضر سيدي القاضي أمــرك طاعته بلـــزوم=أنـادي المتهــم حاضـــر وأكرر فــــي مناداته


وينك يا زمـــن وينـك إذا حاضر تفضـــل قوم=أنت اللــي يبـي القاضـــي يفتح له ملفاتــــه


أدخل بالقفص عجل قاضينـــا تــــرى مـزحوم=تفضـــل جاوب القاضي على كامل سؤآلاتــــه


أنــا موجـــود يا حاجب إذا كان الزمن منهوم=والله الزمـــــن حاضر إذا ودكــم مجــــازاتــــه


مدام الحكم بالأنصاف يالله نكشــف المظمـــوم=وخلــي اللي يشاكينـــي يطـــرح كل شكياتــــه


إذا له حق من عيني ألبـــيه الحكــــــم ملــزوم=خلــه يطــرح الشكوى ويقــدم كـــل أدلاتــــــه


تفضل يا زمن وأحلف وقول الصدق بالمتموم=قول الصـــدق خبرني أريد الصدق وبذاتــــــه


يقولــون البشـــر إنك راميهم بدنيا همـــوم=وحد منهم يقـول إنك سبـــب بلـــواه بحياتـه


وحــد ثانـي يقول إنه بأسبابك غـــــدا مهموم=وأنت اللي غديت أسباب في مجمل عذاباتــــه


وكم شخص(ن)يخبرني بسباك غدا محـــروم=أنته يا لـــزمن باليــــه بكل مجمل بليـــاتـــه


وحد(ن) قال يا هذا من عينه سرقــــت النوم=بأسبابك غــــدا غارق بوسط بحور ويلاتـــه


وقالوا إنـــــك تغيرت عن ماضيك أنـت اليوم=قالوا إن الـزمن ها ليوم علينا زايدة قسـاته


جاوب قـــول صارحني وبين كل شــي مكتــوم=قـــول اللي تبي تقوله كل اللي معـــك هاتــــه


ألا يا سيدي القاضـــي أنا من هالتهم محشــوم=وخذ مني الحكي بالصدق ولك مني خلاصاتـــه


أنا دارك لكل ماقلـــت أدري الكل علي يلــــــوم=و كـــل وا حــد بها لـــدنيا يحملني معــــاناتـــه


صدقني أنا مظلـــوم ولبسي من البراءة هــدوم=وهذا حــال بــن آدم يرمــي فيني غلطـــاتـــــــه


أنا أشوف البشر كلهم ما يرضـــون بالمقسـوم=وتراه الرزق من ربي حكيم(ن) فـــي عطياتــه


كثار اللي بهالدنيـــا لحقوا مـــن السعادة نجـوم=وقليل(ن) منهم الشاكر على النعمــة اللتي جاتـه


وأنا يا قاضي ما تغيرت على حالي باقـــي دوم=باقـــي حالـــي الأول مثــل ما هو بـــداياتــــــه


حال الناس متغيـــر وهــــم يرمــوا علي اللــوم=رب الكون هو عالم بسر عبــــده وخفيــــاتــــه


كثار اللي غدوا منهم معناه الضميــر معـــدوم=يتابع دنيته بكيفه ويجي معــها لـــن جاتـــــــه


وغني المال مع مالـــه كل وقته غدا مزحــــوم=نسى دينه وكل ناســه وصــار يعد ألوفاتـــــه


ومنهم غره الكرســي على بالـــه يملكــــه دوم=أبــد ما فكـــر بلحظة بكـــره تنتهـــــي حياتـــه


وذاك اللي يا قاضي في بحر الذنـــوب يعــــوم=ترى الشيطان لي غاويه وطيب له ملذاتـــــــه


وحد آخر ضميره باع بدنيا الغش غدا مغروم=صار الغــش فـي دمه وهذي أصعـــب آفاتــــه


ختام القــول يا قاضـي أنــا قدامـــك ومظلـوم=قلت اللي معي كله قلـــت الصدق لك ذاتــــــه


بإيدك أنت تنصفنــي أو ترمي علي اللـــــوم=راضي بحكمه القاضي وواثق من عدالاتــه


سمعناه الزمـن كلــنا نطـــق قوله وبالمتموم=واضــح كل مــا قالــه بتفسيره وعباراتـــــه


وحان الوقت نتشاور يا سادة على المنظــوم=ونصدر حكمنا المنصف في مجمل مجالاتـــه


حكمنا نصدره بعد التشاور مع خيار القــــوم=ونبحث في كتاب الله وندرس محكم آياتـــــــه


تراها رفعت الجلسة كل الحاضـــرين يقـــوم=بعد ما يخرج القاضي خلي الكل براحاتــــــه


تطمن يا زمن أمرك غدا بأيد القضاة محسوم=دوم الحــق هو غالب دوم الحـــق بعـــلاتــــه


شرف سيدي القاضي أريـــدك متهمنا قيـــوم=لحظة وينطق القاضي ونسمع له قـــــراراته


بعد طرح التهم كلها وسمعنا قصة المتهــــوم=وكل (ن) قا ل ما عنده وطرح كل حـــــواراته


حكم المحكمة جاهز وبختم الشرع هو مختوم=حكم لا يقبل استئناف ولا يقبل جــــدالاتــــــه


حكم المحكمة ماضي وكل (ن) بالحكم ملزوم=بمدى التاريخ أنا أريده الكل يفهم عبـــراته


برائه يا زمـــن وأنتـــه في كل التهــم مظلوم=وكل اللي شـــكا ضـــدك يتحمل خســــــــاراته


نعم يا ذا الزمن أنته من هذي التهم محشـوم=وخلي كل تاريخـــك يسجـــل فـــي ملفاتــــــه


برائة والبراءة لك أوضح من وضـــــــوح نجــــوم=وكل من قال لك ظالم يلزم صمتـــه وسكاتـــه