تخاذل أو تغابي خوف لا يعنيني إنصافك = يدين الثلج ما تنفع بها تمسح جبين الشمس


خطأ أوضع لذنبك عذر أو اخذ بإجحافك = لأني لو جمعتك عدل بستكثر عليك الهمس


إذا هامش زوايا الظل تجي في اول اهدافك = أكيد أن التراب البور ما يقبل بذور الغرس


كبيرة بحق عرابك تقول أو تشرح أوصافك = مدام أن الوفا أبكم وفي ذاتك شعور الطمس


أنا قبل أعتق أفكارك وأعتق باقي انصافك = لزوم تعرف ان الجرح ما ينفع معاه اللمس


كثير اعذر أنا بعضك إذا حس التعب شافك = مع اني ولا مرة لقيتك في حقوق الأمس


ضبابية سراب الوهم أخفت وهج أطيافك = الين الوقت قد ساقك وحطك بين ناب وضرس


فوايد أو غنيمة حظ لو ترجع بمجدافك = زوابع موج تتلاطم وأنته ما حفظت الدرس