هل المال تتوجد على ما لها لن غاب =وهل الطيب يبقى طيبها من معانيها


وأنا وجد قلبي في الحشى لاهبه شباب =لضى جمر ضوه  في المعاليق واهيها


على عهد فترت الخليفة بن الخطاب=سقى الله زمن ذيك الخلافه وماضيها


اذا ما تعرضلي ذكرها وشهده ذاب =بكى ناظري وهتز  قلبي لطاريها


شعور الحسف من دون سيف ٍ وطعن حراب =يقطع معاليق  الخفايا ويدميها


لو أني بقارن بين لجناس ولأنساب =دركت الفوارق  شاسعة قبل لاجيها


كثر ما أنا واثق بنفسي بدون حساب =حمدت الولي في كل فرض ٍ أصليها


أصيب الهدف كل ما رميته وأنا خباب =وجيب النتيجه لي هل الشان ترضيها


وأنا فكرعقلي جنس طيره يسمى عقاب =يصيد السمينه والهزيله يعديها


 اعدي بخيالي  من على عالي السحاب =وزيد القهر في كبد لحسودها فيها


وهل الشعر لو كل ٍ بمقدور  شخصه جاب=بقى منطق لساني  كذا من معاليها


من لاذكياء ياكم سمعنا مجي وذهاب=غثى لاكن العله من اللي يداويها


ما دام العمار عمار ولخراب اسمه خراب =يعالم وين اللي  ياخذ بصوت داعيها


عسى تهتني ثم تفرحي  برجعة الغياب=بعد ما انكشف لوراق مكنون قاصيها


يموت لادب من موت لخلاق ولاداب=مثل ما يقولوها كذا أقول وفضيها


لك الحمد يا المعطي ولك الشكر يا الوهاب=يماسح بكف المغفره ذنب جانيها


بأنا في بلد خالي من فصايل لاحزاب=عليه لامن باسط  نفوذه وكاسيها


وطنا نحبه لو بنا كل على أرضه تراب=يلين المغازل يطوينا  مطاويها


لو يشيب طير غرابها لا حشى ما شاب =بلد ائتمائه في العروق  وسواقيها


دفى حضنها من حضن أولات الانجاب=نعم عاد أدفى في الدفى حضن أراضيها


غلاها حكايه شرحها ميت الف كتاب =حشى ما تضمه سرد تعبير مغليها


وفانا لها من عشقنا والعشق غلاب=بها عاد نحيا وين ما يحل طاريها


علمها المهم يتم عالي ودونه حجاب=أرواح أهلها بلا ثمن عاد تهديها


اذا ما دعى الواجب بصوته فدتها رقاب=شعب من حياض الموت لكبود يرويها


يا ليت الحقيقة من سمانا نجمها غاب=قبل ما المسامع  ترتوي علم صافيها


حقيقه تعدى وفاض من سد لستيعاب =مطر جوها يومٍ جرف سيل واديها


حقيقه نبت منها نعم عشب لستغراب=بصحراء العقول وفر كرياسها فيها


راعي الطبع مع فقدان غيبة جزي لعقاب =يعود على طبعه ومقاصده يقضيها


ما دام السما صافي بلا رعد كيف أهاب =وأنا لأمر الناهي على كيف ما بيها


لو السالفه هي سالفة واحد ٍنصاب=لا ما ولعت لقلوب لمبت طواريها


اذا كان يلي من النعايم لبس جلباب =وبالقدام زل فضايل الخير يوطيها


نسجله أبو مره بعقله امور عجاب =يلين القدر ساقه بغبة بلاويها


فهل كيف لي بسيف المعاناة جريح مصاب=من ظروف وقته من همومٍ يقاسيها


يا ربي طلبتك ومن طلب خالقه ما خاب =بضف الستر تستر علينا في باقيها


ما دام الزمن غابه وبها الخلق وحوش ذياب =وما دام الضماير عملة الفلس تشريها


هل الوقت تتقلب ترى ما الزمن قلاب =شياطين بن ادم عسى الله يخزيها


وهل المسجد الطاهر تصلي على المحراب =وهل النادي الليلي على بساط ناديها


متون الجبل متهزها صدق عضت ناب=سلامي علي اللي شيمته ما يخليها


رسينا قبل لا تمطر بلوم ولاعتاب =مثل ما الشوامخ راسيات ٍ رواسيها


ما مسهل لو أنك كذا شايف المرقاب =صعوده ترى مكلف ولعمار يفنيها


يا بو سعود ولا أنته يا حمدان ولد شهاب=اذا ما الغرور عيونك اليوم معميها


تصفح وركز وانت تقرأ فذا لكتاب =شوف اللي مدون في سجلات ما ضيها


لو عروق بن أدم بتنطق لقالت طاب=طاب عمان مرباها وطيبة أهاليها


يباني من لاحلام قصر بدون أبواب =شوف أحلامك ذرتها الهبايب ذواريها


على وين رايح والمسافة خطر وضياب=تحدي المهالك تؤدي بروح راعيها


لانك أخي والدين جمع بنا أحباب =لزوم أنصحك من قبل تنوي مساريها


غياهيب كلها فوق بعض وسواد سحاب = تكاد أصبعك ما تنظره في دياجيها


كذا الوصل يبقى في الحقيقه ظمى وسراب = عن الخيل فك السرج ياخوك يكفيها


يا ربي دعيتك ويا عسى دعاي معك مجاب = بنصرك على امارة السوء وغاويها


عن المغريات اللي تخلي العقل ينصاب= بفيروس فيروس المطامع وطاميها


تدابير بن أدم تخله نعم كساب= على المايله ولا يجي عدل نابيها


في بعض لأمور لأخذ برأي عين صواب= ما هو ذل مثل البعض ما ينظر عليها


ما دام الكلام يجر بعضه وله أسباب = لو سمحت غنم صبلي يا مقهويها


من اللي إذا ما غنموبنها الجذاب = يفكك عروق الراس ما الصوع  لي فيها


يا الفين وهدعشر أبى أسأل وريد جواب = عن أوضاع تونس مع مصر ويش نسميها


مع ليبيا واللي جرى بحضرها ولعراب= عسى أمواتها  برحمة الرب يغشيها


لهم حق في هذا أو أنا نقول أرهاب= أوانه الشعوب إذا أنشحن جوف خافيها


يسير عندها حالة تفجر وفقد أعصاب= وتجي العاقبه اللي مثقلات ٍ تواليها


كفايه ترى يهفهف على جمرها شباب= كذا موجه للي بيفهم ويوعيها


بدى ماشر التوضيح والصبر شمعه ذاب = اذا جات عالسالب من اللي يقاويها


لو أنه البلد فيها لغه اسمها استجواب = منور بها الدستور بنده ويحميها


لغه تسأل بموجب القانون كل لعاب= من أين لك هذا تحت عرش باريها


لا ما شفت فيها زيد وعبيد ولا ذياب = بها يلعبو والجوع ذابح ضواريها


ذوي الدخل المحدود لو يسجلوا  الكتاب = عن أحوالها ما ظن  لقلام تحصيها


ظروف الزمن تغرس  بها ناب مع مخلاب = تجرح حشاشة جوفها مع نواحيها


علي قلوبها الفقر خيم ورز أطناب = فأوضاع ما يعلم بها غير باريها


عليها انكتب من دلة الحزن شرب أكواب = رماح الأسى تقتل طموحات أمانيها


لو تلامس جبال الروأسي غشاها عذاب = معاناتها تلسع حشاها أفاعيها


كيف تعيش والراتب اذا تحسبه بالحساب= من الشهر خمس أيام ما اظن يكفيها


مقابل غلا فاحش غلا يحير لالباب = فالاسعار والاحوال  محدٍ يراعيها


ترى من رحم يرحم ويجزي أجر وثواب= أذكر عسى الذكرى من الموت تحييها


قلوبن عماها ثم عماها وكساها ثياب= طمع فتنة الدنيا وزخارف زهاويها


اذا الدين من القلوب نوره تلاشى وغاب= تموت الضماير في صنادق اهاليها


كيف يحس باللي ساكن داخل السرداب= هذاك الذي ساكن في افخر مبانيها


يأهل الرقابه دوركم وين يالاطياب= حماية المستهلك  وين القايم عليها


أبا أقول وأنا لا محرض ولا سباب= لكن من عنى حرات كبدي ولاضيها


لو الشعب يبقى ما يلاقي أكل وشراب = ما ظني مهم أواقع اليوم يحكيها


أهم وأهم من الذي مهم دون أضراب= مصالح هوامير البلد مع مساعيها


يا مولاي لا تضحي بنا وأنت فيينا مهاب= عظيم عظيم عظيم والكل يفضيها


نحبك يتاج الروس وانته رفيع جناب= يا نبض القلوب  ودمها لي يغذيها