لا غدت كل الأماكن ليل والخطوة مسافة  =      والشــــوارع تعجن العتمة ويتناثر صباح


 والخرائط للمدى حلمين والثالث تخافه  =       تسئل اللحظة الثواني عن تفاصيل وجراح 


مر أحطب للخيانة كل من يشكي جفافه  =      أشعل حروفــــك ونادي آه لو ينفع صياح 


مر وتنفس صدانا .. ما بقى إلا الكلافة =         مرنا حتى نقول إن اللذي  قد راح.. راح 

سلامتك ما للـــسـما عذر لو غبت        =     ولا للمـــســا في غيبــتك من ينيره 


ولا للشـــوارع نبض فأمسها كنت   =          ترسم مــــلامحها شفــاه وعشيرة


ولا للدمــــــوع إلا معاناتها كبت =            ترفع بها كـفـوف وتسـجد أسيرة 


سلامتـك صارت على شفاهنا نبت  =          تجدب وتـــــورق والنـوايا بصيرة 


لاهي تصـــــــبرنا ولا منها طبت  =           بس حيـــلة العاجـز مداها لغيره 


مريت بك كنه علي لعــنة السبت   =         ومريت بي صرت الطـريق ومصيرة  


مريت في شط الكـــحل حلم وذبت   =         ومريت بعــــروقك ألم صرت ديره 


ياسيدي شابت جروحك وما شبت  =          لا غاب جرحـك ينزف القلب غيرة


ياســــيدي ما عاد تفرق إذا خبت  =           دامه تســـــاوى شـر عمري وخيره  


سلامتـــك من أولي لآخري جبت  =           بعضي وكلي وأنت للحـــــب سيرة 

للسوالف ليــل والصــــبح فعـيونك   =         عمر يتنــــرجس على شفاهك غرام 


ألف وجــه يغــــتسل في ضي كونك   =         وألف نـــجم يــنــتـشي بك للغمام  


من يلـوم اللـــــيل لو يسكن متونك   =          ويحتــــــوي أغلـب تفاصيلك عتام 


ومن يلـوم الخيــزران إن مال دونك  =          دام للغـــيــره مســـــافـات وزحام 


من يقول الشمـس ما تعشق جفونك   =         وأنت لا سلهــــمت تشرق بك هيام 


كان حلم الريـــح ما تجرح سكونك  =          وصار طاري الـــــحلم للنسمة سلام 


وكان عمـــــر وكنت في قمة جنونك   =        وكان جرح وكنـــت له مسك الختام


 شفت هذا البعــد لو تمطر  مزونك   =       تورق غصـــوني وتســــافر بي حمام 


بسألك هـــــذا الصباح إن مر دونك    =       وين ألقا له مــــدى وكــــلي حطــام 


وكان صبح وكان ليـــــل وفي عيونك   =       عــــشت أنا الضدين: من فرقا وغرام 

كثر ما مــــريت فشفاهـــــك كلام    =           وكثر ما مـــــــريت فعيوني أسى 


ما جمـــــعت من الكلام إلا الكلام   =            وكل نظرة يم ،وأهـــــــدابك مسا


يا صبـــــاح أوجاعنا صارت خيام  =              ويا مسى أحــــــلامنا ليت وعسى 


ليه ما مــــــــريت يا باكر حرام ؟   =           خان فيك الأمس؟ أو يـومك نسى؟


وليه نــــــورك سرمد وصلى ونام؟  =            ضــــاع فجرك منه؟ أو ليلك قسا؟


ما دريت أن الـــوصل ينبت غرام  =             لين مــــا أزهر بك خفوقي وأكتسى


مدبر، وكن الــــــخطـاوي للأمام   =             مقـــبل بلا وجــــه يبســم يعبسا


خطوتين، وهمس ،وشفاه وسلام =               مابه إلا إياي هالجــــــرح احتسى 


كثر ما ثرثرت بك قرب وخصام    =            كثـــر ما تمنــــيـــت حرفي يخرسا 


وكثر ما صـــــارت أمانينا كلام    =            صار تعـــــريف الأسى عندي:أسى  

يشبهك وجه المسافر والمسافة تجهلك  =                                                               خطوتين والتفاته والمدى شارع يضـــــيق


شنطتك زادك همومك والأسى في أولك  =                                                               تدفن أحلامك وتجمع من تفاصيلك رحيق


تشبه الطلة غريب وتفرق فنظــرة هلك   =                                                              صارت أوجاعك مدينة وان غدا حلمك طريق


جيت للغربة زحام أستصعبك وأستسهلك     =                                                       ما بقى إلا احتضار الأجوبة وخان الرفيق


جيت تشبهنا وتشبه بعضنا لو نسألك  =                                                               عننا عنك عن الماضين في الدهر العتيق


وينهم تمطر سماهم نزفها ما بللك     =                                                               وأنت للأرض أنتما عروق ووجوه وصديق


وينهم مرت عجاف وبور وأينع حنظلك     =                                                        ما حصدت إلا السنين المثخنة قحط وحريق


لا التفاتات الغريب إن مر يمك تخجلك  =                                                            ولا اتجاهات المسافة تجعل الشارع يضيق


كثر ما تمشي وتمشي هالخطاوي توصلك    =                                                         كثر بعدك واغترابك صرت بقيودك طليق


وإن غدا وجه المسافر يشبهك أو يجهلك  =                                                                                             مر في كل الوجوه وأشعل  العتمة بريق

من المخطي أختلفنا لا أعترفت ولا الخطأ جابك =                                            وأنا أدري بأحتمـــالاتك ظنـــون تبعـثرك فيني 


اختلفنا: والخطـــا عطر السحاب اللي تهجابك =                                             نساه العشـــب بأقـــــدام الربيع ،وبلل يديني 


اختلفنا: والخطــــا ليل رماه الصــــبح فثيابك  =                                            سكن نفس الـمدى وصارت خطى وصلك تقديني 


أمرك سـمع يتمــنى يـــذوب فلهـــجة عتابك   =                                           جمع رغم الزعل، والكـبرياء، لك أجمل سنيني 


أمرك حـــلم وعيوني مــــدينة سورها اهدابك    =                                            وطن يبـــحر على شط الكـــحل مرساه في عيني 


أمرك طفــل ( وجه أمي ) رسمته يوم في بابك=                                           مـلامـح بـــاهتـه بين أحـتـضـار وحضن يحييني 


جمعـت الريـح بكـفـوفي بقـايا تنثر اطيــابك   =                                            وضميتك غــــلا لين أرتــــــوى بعــروقها طيني  


سألتك صفــح والتـــوبة تعفـر وجه محرابك     =                                         وفـيه هـالـذنــوب بكـثر مـخـطـي فيـك تـغـريـني 


سألتك لين ما طار الـحـنــيـن وطـلق ترابك   =                                         وصـار اللي بقـى مثــل الــعـنا يبـــعد ويـدنـيـنـي 


لقيتك تحـضـن العـتـمة فـراغ وتطوي غيابك  =                                         سفر.. وينك:  هنا ولا هناك ؟ أحــترت أنا ويني 


لقيتك للسما نجـمـه وحـارس ليل يغــفـابك    =                                           مداراته فــوجـه الغــيم حــلــم وريــح تـذريـنـي 


حبيبي: وين ما يمــمت وجهــي الشــوق صلابك=                                           تنفســـتك غلا لين أدمـــنــت وصــلك شـراييني  


فمان الجرح ..أسف ..حيل أسف.. جيت أغتابك =                                              على آخــــــــــر جرح في حد الظنون أرجوك خليني 


نعم:  لا من ذكرت إنا اخـتـلـفـنـا قلت وش جابك =                                               وأنا أدري باحتـــمـــالاتك ظـــنـــون تبـعثرك فيني 

على أخر شارع كانت تتـــــوق لوصله الأقدام=                               ذكرتك لين ما صار الرصيف لدمعتي منديل 


ذكرتك صار للشـــارع وجوه وذاكره وأحلام   =                            هنا مروا ... نسوا فيني أماني وذكريات وليل 


وذاك الركن ..  يتنـفس بقايا أمسنا منظام        =                        حديث العطر للردهة ...  شجون الريح للإكليل 


هنا أسرجت للتوبة خيول المغفرة من عام  =                      نسيـــت وما نسى ذنبك ...عتم ما غازله قنديل 


هنا في غفلة اللحظة سـألتك خطوتين هيام      =                       توضأ أمسك وصــلى بلا خشــــــوع وبلا ترتيل


سألتك لين ما صار الحكي في شفتيني خيام      =                      وصــار العشب يتهجى السحاب وخانه التأويل  


سألتك إن غدا حملي فراغ وهالخطاوي زحام  =                       يجوز الكذب في شرعك... مثل ما حلله أبريل 


سألتك والمدى لوني.. وتعابيري أسى وأوهام    =                    وداع يشبـــــهك يكرم تفاصــــــيلي دلال وهيل


أنا المنفي على ضفافك ضما يستجدي الأيام  =                   وقفت فأخر الضي ....  احتضار وتمتمات بخيل 


تمر اليوم بأهدابك شوارع تعشقك بهيام =                   ويمر الأمس بأهــــــدابي غريب وباكرك تضليل 


وأذكر وإحنا في الشارع قبل يمكن حوالي عام =                   بكى ذاك الرصـــــــــيف وما لقينا لدمعته منديل