موقع السلطنة الأدبي YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد البطاقات
جديد الأخبار
جديد الصوتيات


جديد الصور

جديد الجوال

جديد الفيديو

تغذيات RSS
الأخبار
الأمسيات والمهرجانات والفعاليات الثقافية
نتائج مسابقة الملتقى الشعري الثاني لجامعات وكليات السلطنه والمقامه بمسرح الكلية التقنية العليا بالخوير
نتائج مسابقة الملتقى الشعري الثاني لجامعات وكليات السلطنه والمقامه بمسرح الكلية التقنية العليا بالخوير
03-09-2010 06:43 PM
السلطنة : اليكم نتائج مسابقة الملتقى الشعري الثاني لجامعات وكليات السلطنه والمقامه بمسرح الكلية التقنية العليا بالخوير تحت إشراف جماعة وطيس الأدب بالكليه .


أولا الشعر الشعبي :

القصيدة الفائزه بالمركز الأول


image
أحمد بن سعيد المعمري/ جامعة السلطان قابوس

فمان البعد

يـَ غـَايــِبْ وَالـْقصِيـدَ اسْمَى مِنَ انـَّهْ يـِنـْدِفـِن فِـقـْبُور
تـَعَـــال وْعـَلـِّــمَ صْـنـُوفَ الأوَادِمْ فـَلـْسَفـَــة سَاسَـــه

تـقـُلْ جـِيْبَ الشِّعـرْ وَاقــُوْل مَا بَــهْ بَاسِمَــات شْعُـور
تقـُلْ كَيْف الشّعُـوْر اقـــول حزنــه يحكـــي احساسه

تقــل كيــف القصايــد فـــي غيابــك حالهــا ميسـور
علــى حطــة يـــدك أقـــلام تملــي شـــوق كراســه

رحلت وقــد رميت اليأس فينـي من ثـلاث شهـــور
وانـــا مـــن قبلهــــا طالبـــك جفنــي كثــر نعاســه

إذا مــا هـــو علـى شانــي عشــان وصالنا المبتور
لجـــل فصــل الربيع اللــي فغيابـك عـــاش فيباسه

أنا فـــي داخلــي بستـــان يذبـــل لــو جفـــاه النور
وجيت انتــه قطعت النـــور عنــه والجدب حاســه

يشابه هالحزن فيني طفل عايش بـــلا أي شـــور
بدا يكبـــر مع غيابـــك وشــب الشيب في راســه

تشــوف اليأس فــي عيني أغطي شوكتك بزهـور
لأن اللــي خلـــق فينــي الوفــى مـا قد خلق ياسـه

أمر بحسرتــي يـــم المكــان اللـــي غدى مهجـور
ما غيــر الصمت جاوبنـــي حسافه هاجروا ناسه

أجــي كلــي طمـــوح بكبريـــاء الشاعر المغمـور
أجــي حلمــي القلـــم ومحبتــك وسطور قرطاسه

كتبت الشعر من نزف الضلوع وكم بكتني سطور
لجـــل لــو مات صاحبهـــا فدا لعيـــون مياســــه

عرفتك يوم كنت اسأل جنابـــك للفــراق حضــور!
جهلتك يوم جلت ان خنصرك مـا يشبــه اجناسـه

بعد ما صنت في عينك بضيـم التضحيــات بحـور
ضمى جفني من اسبابك وصاح الدمع ب افلاسه

فمان العفو يا غالي مع انك مـا قلــــت مشكـــور
ما عاد السهم لــه قيمه مدامـك شلــت أقواســـه

فمان البعد يا أقسى حكايــه عاشهــــا عصفــور
بنى عشــه من احلامك وطاح الفاس في راســه







القصيدة الفائزه بالمركز الثاني


image

علي النصيبي / جامعة السلطان قابوس

طرد لرحيـــــــل آخر

أنا خايف
وخط الْخوف فيني ألف باب وباب
تلحفت الْمسافه ونمت في وصلك
صحيت وْما لقيت إلا وهذا الْبعد واقفلي على
الْأبواب
تمنيتك عرفتي كيف ياكل هالأظافر ناب
وكيف إنْي على بابك ولكن ما قدرت الْطرق
لأني ما ضريت الْطرق
ولكن جيت لك عاني وحاملك رساله عشق
وما برعد بأذنك لاااا
لأني ما أعرف الْبرق
:
مــساء الْخيــر عــاد وْضــــمّني بردك
وانــــا طــــالبْك مــــن أيام ضمّيني
أعــد الرْمل مـــدري يطول بك حردك
وقــــــلبي بـــــينك يْــــناديك ردّيني
جبرني الشْـــوك يــزرعني معا وردك
وإذا مــــا أنــــبت بوصـــلك يــعنّيني
طـلبتك بــــسّ أرمــــيني معا نــــردك
وإذا مـا صــــاب نردك بسّ أرميني
سنين اْحـايل عْـــروقي عــلى طـــردك
وقــــلبي يــرتعش خــــايف تخلّيني!
حبستك في قفص صدري رغم صردك
وكــيف اْنه قـــفص دامك هجرتيني؟
. . . . .
تذكرت الْمساء إلي مسكت الْخيط والْمخيط
وقمت أنسج أنا لقياك
وكان الْكذب يصحبنا أنا وياك
عرفت أنّه قصير الْخيط
رغم هذا نسجت الثّوب
ولكن م إنْتسج لقياك
. . . . .
كذب من جد وجد لي جات في ســردك
كذب لو سرت في دربك وصلتيني
مشيتك هالسّــــنين وْهــــــدني شـــردك
وجــــديتك وســــــرتك وينك وْيني؟
شكرتك ع الْعطر لي كـان في طـــردك
وشــكرا ع الــــزْجاجه من تركتيني
غـــــريبه حــــالتي واْساير بجــــــردك
وغــــايب حـــبنا ما بــــينك وْبيني
وكـــــيف اْنــــه كـــــــثير بْعينهم فردك
وكيف اْنــك غلبتي كْثير في عيني؟
نــــويت الْبعد رســــليني معا طـــــردك
وســــــلميلي عـــلى قلبك وخلّيني
. . . . .
وخلّي داخلي هذا الْسؤال وأستفزيني:
قويت الْبعد؟
واجواب للأسف مدري
قويّ الْبرد
قويّ الْبرد
ولكن ما قدرت انّي أصك الْباب
لأني ما ضريت انّي أصك الْباب





القصيدة الفائزه بالمركز الثالث

حمود بن عبدالله المخيني/ جامعة السلطان قابوس

متى . . . ؟

للشوق ( لـوعــــة ) ما يحســـــّـبها سوى المشتاق
وللضيق ( حرقــة ) ما يحسّـــــــــبها سوى صدري

من ( ساعة المغرب ) - هنا - كنت أنتظر .. إشراق
لكنّ شمـــسي للأسف ~ ما صافــــــــحت فجري !

تعبت أوزّع ( نظرة عيونــي ) علــــــــــى الآفاق
عشان أشوف ( خيوط ضوها ) تـلـــتبــــس ( بدري )

تعبت أفهـــــــّّّـم (ساعتي ) بأنّ ( البــعد ) ~ حرّآق
لو تفـــتـهـم ما كان خلّــت دمعتي ~ تــــــجري !

( ذكر الفراق ) ان راق لي !... ما راق لــــــــلأوراق
ما دام ( دمعة لهفتي ) .. فـ المحبرة ~ حـــــــــبري

يا دار : - من هي تسكـــــــنك - قولي لها : ما طاق !
ما طاق ( عاشق ) يـــــــنتظر . . . و الليل ما يسري !

يا دار : انتــــي تعرفــينـه .. للوصـل سبّـــــاق
تـــدرين قلبـــه ( يرتخي ) لو ذكـرها ..يــــطري !


أنا أبـــاها للأبــد. . . .دام النبض خفّـــــــــاق
أنا طـــلبت ( وصالها ) لو قيمـته ~ عمـــــــري !

متى عيـــوني تكـــــتحل من وجـهها الــــبرّاق ؟
متى ( يعـــانق ) عطرها في ثـــــوبها عـــــطري

متى تكـــفّ ( أيـــدينها ) عن ( قبضة الأعــــناق )
متى ؟ .. وكلـــــما قلتها ! .. قالت : مــتى ! ..مدري !

مشـــــتاآآآآق وآنا قبلها .. ما كنت اعرف اشـــــتاق
تدروا وش اللي مات من كثر( الصبر ) ؟........... صبري !

ضاق الصـــدر في ( بعدها ) ؟! .. ون كان فعلا ~ ضــاق
ما غـير بالله ثــمّ بيـــها .. ينشــــرح صــــدري

( الشــــوق ) و ( الضـيقة ) ..أمور ترافق العشــّــأق
مثل ( الحروف الهايمـة ) ان رافقـــــت ~ شعـــري !





القصيدة الفائزه بالمركز الرابع


image
خليفه المزروعي / جامعة صحار

القــــراءه


دام كل منــا تعلــــم (ألف باءٍ تاء ثـاء)
ما أظـــن اللي شراتك مايجيـدون القـراءه

طالع بعيني وناظر شوف وش كبـــر العنـاء
والبري من شوف عينه ينقرى طبـــع البراءه

أؤمن ان الحب نظره وأؤمـــن ان الحب داء
يتعب افكـــار الطبيب ولا لقى العالم دواءه

كل يوم يسير حالي من غرامك فـ استيــاء
كـل ماطول غيابك كل مــا زاد استيــاءه

لي جمالك صار يغري مــن ورى ذاك الرداء
فيــه حتى من جماله صـار متعلــق رداءه

صدق ان المر ياللي تشربه في كأس مـــاء
يستمد المــر لذه من حلا شفــاك ونقـاءه

الحجــاب وقد يقولو زينة المـرأه الحيــاء
ويا حلا فيك الجمال اللي تزين مــن حيـاءه

والغرور الي عـ طبعـك يدُّعونه الأغبيــاء
هذا هو ثقل الرزانــه والغبي هذا غبــاءه

واستوائك فـ المبـادي مثل خط الإستــواء
تحدث ضروف الطبيعه بس ما مال إستـواءه

مـن كثر مافيــك مغرم واصل ٍ حد الشقاء
شوف عيني من سهرها وشوف زادي في إناءه

لو بسولف عن عذابي ماعرفـت الإنتهــاء
وان خفيت اللي بقلبي زادت همومه وعنـاءه

لاتجاهل لي تشوفه علمونك (ألـــف بـاء)
ما أظـن اللي شراتك .. مايجيدون القـراءه




ثانيا في الشعر الفصيح :

image
حصل على المركز الأول : الشاعر منتظر الموسوي



المركز الثاني :حسام الشيخ



المركز الثالث : هشام الصقري





ثالثا الخاطرة :


حيث فازت الكاتبة ميمونة البلوشي




تعليقات 0 | إهداء 0 | زيارات 2707


خدمات المحتوى
تقييم
9.52/10 (214 صوت)

Powered by Dimofinf cms Version 3.0.0
Copyright© Dimensions Of Information Inc.

الرئيسية |الصور |المقالات |البطاقات |الملفات |الجوال |الأخبار |الفيديو |الصوتيات |راسلنا | للأعلى
get firefox
Copyright © 2026 alsultanah.com - All rights reserved