تخيّل .. ليلك الجنة / وتابوت الصبر مصباح=وش اللي يجـبرك عـايش عـلى الدنيا بلا تابوت ؟1


أمر الحلم يا ( حظّي ) وأنا في غربتك سوّاح=أنادي : والصدى ظميان / يرجع لي شحيح الصوت


حزين الموج ( لغيابي ) ذرف دمعه رميم ألواح=ولا ربّـان يسألني : متى يقـسا البحر ونمـوت ؟! 


نبت هـمّ السؤال فْـ داخلي / كلما فسلته جْراح=وعدت أجني اليـباس اللي تشبّه لي / مدينة قوت 


نفخت الطين في رحم الهموم / وْذنبي الأرواح=بنت من حزْن / مولود المصير المستديم بْـيوت


قفلت الباب فـي وجهي / قبل لا يصدأ المفتاح=قبل لا يلـثم سنين العرق مـن عمري المكفوت


غـريبة كلّ ما جيت السحاب أتوسله / ينزاح=وهوْ يا ما سقى قحط الأماني من رحيق التوت


صحيح يْـغرك العنبر /على صدر النسا فوّاح=ولكـن مـن يطوله دام يسـتوطن حنايا الحوت ؟!


تعبت أتأمل الدرب الطويل وْ أخرز المسباح=تعب حتى الرصيف اللي مسح من سجدتي المنحوت


كثير أعياد مرّت بـي حزينة ما بـها أفـراح=مثل ما نشوة الزفّة / تمر حلم الأصم بـ سْـكوت


مدام أصغر بعوضة ما تساوم ضحكتي بجناح=بـعض الشفّـة بأضراسي على الله يخرج المكبوت 


تخيل تحضن الدنيا / وتابوت الصبر يرتاح=على صدرك / ألين تغصك العبرة قهر/ وتموت !!

كـل مـزعـل عـليك .. أرجـع أستحـملـك=ما بـها ضـعف .. لكـن المـسـامـح قوي


قلت لـلـغيظ : صـبـرك .. لا تـكـدر فلـك=يــمـكـن الـشوق.. يـعدل حِِـسـه الـملـتـوي


عِـشرة الـعمر تـعـتـب.. صوتـهـا يـسـألـك=كيـف تـنـسى الـعـطاشـى .. حـيـنما تـرتوي


كيـف آخر علـومـك .. بـعثرت أولـك=وين عذب المشـاعر .. يا مزاج أنثـوي


مـا يـهمك غـرقـنـا .. إن نجا مـحملك=مـا يــهـمــك عذول و خـُـبثـه المنطوي


لـو قسى كل قلـبٍ .. كـل مـثـمر هلـك=و كـل ورد ٍسقينا .. فـرحــتـه تــنــذوي


تـدري الــصـدق .. أقدر أجرحك و أهملـك=و أقدر أقدر أفـارق .. و أتـركـك منزوي


مـثـلـك أعـرف أكـــابـر بـالـجـفـاء.. و أذهلـك=لــيـن قـلـبــك .. يــحـس بـقـلـبـي الـمـكــتــوي


أقدر أحرق شـعورك .. و أجلس أتأمـلك=و أقـطع آمـال وصلـك .. كـل مـا يـحـتوي


بــس لـمّـا ذكـرتــك.. قد ذكرت أجـمــلـك=مـا هزمـنـي جـحـودك.. صاحـبـي الــنـخـبـوي


كـل ما زاد ظـلـمـك .. قـلــت : مــا أعـدلــك=أشـرب الـمــر..وأجـبـر كـسـري الـمـعـنـوي


لا تــظـن إلــتـفـاتــك لـلــنــداء.. يــقـتـلـك=أو تـظـن الـطـنــاشــه مـنــك ..طـبـع ٍسـوي


مُـزهـرات الأمـــانـــي..جــــزّها مــنــجـلـك=تـنـبـش جـروح مــردومـه بـــقـاع الــطـوي


لــيــتــهـم عـلمـوك الــصـفـح .. يـا ذا الــمـلـك=مـابـهـا ضـعـف..لـكـن الـمســامح قـوي

الليل عين وجرح ما شافت اهداب=قامت تعس الدرب صوت وأماني 


خطوة وراء خطوة تفند للاسباب=نور العمى قلب ويحدد مكاني


عن طفل تتذمر يساره من أقراب=أو وجه يسألني طريق وعصاني 


عن نجمةٍ تشعل دجى كهل مرتاب=ساق الظلام وباع ريح المواني


عن ليلةٍ عذرا تصيح القمر غاب=عن صبح مطفي في نواعس كياني


الليل رمش الصبح في عين بواب=ناجى الشموس وذاب شمع المحاني 


حتى فغر فيه التعب وأعشب أنياب=عن كسرة الخبزة يصارع زماني


ضاق وخلع جفنٍ تغلّس بالأتعاب=وأزرى يفك الجفن عن ليل ثاني


تمتم يكون الصبر له جلدي ثياب=قطّعت له عمري وليته كساني 


الليل شاعر يهدي أنفاسه أحباب=أعطى الكثير وقال محدٍ عطاني


والليل عبدٍ ساجد بوسط محراب=خلّوه يبوح بما خفى عمر فاني 


الليل حرقة حكي مخفي من أحقاب=خلف الحقيقة تحت زلّة لساني 


والليل فعلٍ مستتر دونه إعراب=والليل طيش وأغنيات وغواني


والليل قاتل صبح والصبح طلاّب=ردوا رفات الصبح عن ليل جاني

نفاف يموت في وجه الجفاف / الماي=وينبت – حب – عمر السوسنة بالجلد


يجي عصفور يزرع سنبــــــلة بشفاي=لجل فصل الشتاء- ما يخذلك يا برد


ألمّ الريح في (كيس) المدى للـــــــجاي=أعلم شارعي ذنب الفــــــــــراش- الورد


أهوجس للوجع- للراحل المنــــــــــــساي=سراب الضحكة البيضاء فـِ صحراء الوجد


رياح الأمس مرت تســـــــــــتثير خطاي=وأنا (أفرك) هالوهم - للغربلـــــــــة للبعد


هزمت البرد من غيـــــــمة بخار الشاي=وتركت الفجر يســــرق من جيوب الغد


خطا والحــــــــــرف يتلوى سواد رداي=أدســــــــــه ينفلت لا شيء- طيف الوعد


لقيتك صفـــــحة الذكرى- حصى بممشاي=أشيلك- ينـــــــــــكسر صمتي بآاااه الزهد 


أمرك ذنب سلــــــــــمى- وأوجعك بالناي=وأهز الغصــــــــن لجل أنه يباس الصلد


مرايا رمل تكــــــــسر صورتي برضاي=تطيح حلم علــــــــــق بالرموش السهد


أضمك جرح خنجر في جســـــــد منفاي=أمرجح دمــــــــك ف بيت العروق المهد


أصحي الصمت من صفرة فمي ضوضاي=زراق اليم أهدى للشواطي المـــد


رحلتي في عيون الشمــــــــــس يا ذكراي=وخبّيت العرق داخل حقــــــــــــــــائب جلد