يبسْ حلْق البتول.. وْ لاَ وفَا "غيم الحيا" المأمول          =          وتستجديني "اطرافه" و يستعطف لي أقلامي 


غدا بشفاهي المُر الغَبُوق البارد المعسول          =          آخذ (خَـَرد ) السنين وْ باقي الدَرْدا من ايام     


كذا، بْيّد السراب تْموت أرض و تـْضَمحلَّ حْقول           =          شبيه الما على الـَرْمضَا يصير بْنظرة الظامي

هيه يـَ الثريا بالنسر جات الاقدار          =           ضيّك بضيّي ونايد الدرب جيته      


دام الوفا اشراعي وهـّ العزم تيّار           =           يا محملي موج البحور اصطفيته 


ودام الصبر زادي هلا بْكل مشوار          =           تذبل زهور العمر لو ما نهيته

سميت بالله وْباب غفرانه انصيت           =          ما خاب من " للدائم "يْحث اَلاْقدام 


وآنا بْخضوع المذنب اخشعت وابديت           =          وعرّيت عن نفسي سرابيل اَلاْثام   


يا ناقذٍ يونس من اليمّ .. واحييت..          =          عْزير – واهل الكهف- وافنيت أقوام