سلامي والنحبـــــات الجزالـــــي=           وشكري عد حبات الرمــــــــالي


من أعماقي إلى اللجنة وهلهــــــا   =        وجمهورن حضر يسمع مقــــالي


وخلف الشـــات لأهلي والجماعة =          وكل من قام في صفي موالــــــي


وعسى ربــــــــي يجملني وارده  =          جميل الناس وأرضي كل غـــالي


وأنا شاعر وحاضـــــر لجل أمثل=           بلادي واقف بصف الرجــــــالي


وأعبر عن مـــــــدى حبي لدارن =           كســــــــاها سيدي ثوب الجمالي


وأحب البر وأشكــــــال الطبيعة =            مثل حب الأهـــــــــــالي للعيالي


وشوف البـــــادية يطرد همومي =           وينعش خـــــــاطري ويريح بالي


يقفرن خالين مــــــــابه ضجيج =            سوى صوت المدوي للحلالـــــي


وصوت الراعبي من فوق راك =             وحنـــــــــات الإبل وقت الزوالي


ومن كم ليلتن واديه ســــــــــال=            يفيض يــــــــاه من روس الحبالي


وروح له بعد العصر خـــــــول=            وعم الغيث في كــــــــــل المفالي


ومن منبوت زهر الفيحــــــوان =           بعد ما كان خالي صــــــــار مالي


وبيوتن من طرابيل وخيــــــــام =           وفيهن ثاث تقليد الأهــــــــــــــالي


وحمس البن بلمحمـــــــاس لين  =          تبدل لــــــــونه الأول بتـــــــــالي


وعقب الدق يوضع فوق نـــار=            وحين يفوح يسكب بالدلالــــــــــي


إذا شمه عليل الصوع قـــــــال=            بياض الوجه ياذرب الفعالــــــــي


ورمس شيبنا حافظ قصــــــايد =           لبن ظاهر وأبو زيد الهلالــــــــي


وعلي يمينك تشوف خوان شما  =          وعن يسراك سمحات القبالــــــــي


وبالحظة يدورون البخـــــــور =          وطيب النوم في ذيك الهيالــــــــــي